Index Page

ಮಾರೋ ಯೇಸು ರಾಜೇನಾ

ಮಾರೋ ಯೇಸು ರಾಜೇನಾ ಆರಾಧನ ಕರುಚು
ಆವೋರೇ ಗೊರ ಬಾರಿಯೆ
ಯೇಸುರ ಗೀದೇ ಗೋಲ ||2||

ಆರಾಧನಾ ಆರಾಧನಾ ಮಾರೋ ನಾಯಕೆನ
ಗೀದೆ ಬೋಲ ಗೀದೆ ಬೋಲ
ಪರಲೋಕರ್ ದೇವೇನಾ ||2||

ಪರಲೋಕೇರ್ ಬಾಟಿ ತುಜ
ಭೊಕೇನ ಹಟಾಯೋಚಿ ||2||
ಜೀವಣೇರೊ ಪಾಣಿ ತುಜ
ತರಸೇನ ಹಟಾಯೊಚಿ ||2||

ನಾಚನ್ ಕುದನ್ ಗೀದೆ ಬೋಲ
ಆವೋರೇ ಗೋರ ಭಾಯ್ಯೋ ||2||
ಖುಷಿ ಕರಾ ಖುಷಿ ಕರ
ಯೇಸುರ ದೇವಳೇಮ ||2||

ಯೇಹೋವ ಶಾಲೋಮ್ ತುಜ
ಸಮಾಧನಂ ದೇವಾಳೋ ||2||
ಯೇಹೋವ ರಾಫ ತುಜ
ಮರು ಕರೆವಾಳೋ ||2||

ನಾಚನ್ ಕುದನ್ ಗೀದೆ ಬೋಲ
ಆವೋರೇ ಗೋರ ಭಾಯ್ಯೋ ||2||
ಖುಷಿ ಕರಾ ಖುಷಿ ಕರ
ಯೇಸುರ ದೇವಳೇಮ ||2||

ಯೇಹೋವ ಶಮ್ಮ ತುಜ
ಸೋಬತ ರೇವಾಳೊ
ಯೇಹೋವ ನಿಸ್ಸೆ ತುಜ
ಜಯಂ ದೇವಾಳೋ

ನಾಚನ್ ಕುದನ್ ಗೀದೆ ಬೋಲ
ಆವೋರೇ ಗೋರ ಭಾಯ್ಯೋ ||2||
ಖುಷಿ ಕರಾ ಖುಷಿ ಕರ
ಯೇಸುರ ದೇವಳೇಮ ||2||

ಮಾರೋ ಯೇಸು ರಾಜೇನಾ ಆರಾಧನ ಕರುಚು
ಆವೋರೇ ಗೊರ ಬಾರಿಯೆ
ಯೇಸುರ ಗೀದೇ ಗೋಲ ||2||

ಆರಾಧನಾ ಆರಾಧನಾ ಮಾರೋ ನಾಯಕೆನ
ಗೀದೆ ಬೋಲ ಗೀದೆ ಬೋಲ
ಪರಲೋಕರ್ ದೇವೇನಾ ||2||